23/08/13

Un pequeno descanso

San Cibrao (Cervo). Post-maruxaina, 2013
Vou tomar un pequeno descanso. Penso que é merecido.

Son moitas cousas, moitas para min agora mesmo e todo á vez.

Xuntar contidos para este blog leva un tempo que nestes momentos debo empregar noutras cousas, así que, se me permitides, vou descansar da Gramática un par de semaniñas.

Virá ben para a inspiración, seguro, e terei cousas que traervos co "novo curso" (pódese deixar de estudar, pero nunca de medir o tempo en cursos).

De todos os xeitos, non marcho lonxe: podedes seguir léndome en twitter en @belukagramatica  e seguir as cousiñas do meu libro en @landereina.

Xa logo volvo.
Feliz verán!

21/08/13

Un vello mariñeiro

Un só. Non son catro metidos nun bote, pero xa me está resoando iso na cabeciña...

O outro día deume forte o mono de pintar e saín mercar uns cantos lenzos. Nunha oda ao consumismo artístico que ás veces me obnubila, volvinme á casa ben cargada con dous lenzos ben grandes e tres "pequenos" (esto é moi subxectivo, penso eu), bocetei un retrato de mariñeiro cos meus novos lápices moleskine (regalazo) e púxenme a "pincelear". Un día relaxado, mono satisfeito, Beluka contenta. Esta é a evolución e o resultado.

Bo día!

14/08/13

Un reino de bolboretas (iv)

Estou de vacacións pero non me esquezo da última entrega das miñas ilustracións para un conto! Se non sabedes cal é, aquí tedes o comezo da historia, aquí o making of da primeira ilustración e aquí a portada e unha mini ilustración para a primeira páxina.

Hoxe remato coas outras ilustracións, a ver que vos parecen. Todas están feitas coa mesma técnica que vos expliquei: debuxo a lápiz, entintado con rótring (aquí en Vigo chámanlles grafos, pero en mi vida, chico...), escaneo e logo color en Photoshop. As sombras fágoas en capas distintas usando "multiplicar" no modo de capa, e os trazados negros elimínoos para darlle bordes brancos a todo.

Sen máis explicacións innecesarias, aquí tedes o resultado!


 Unha maldición escurece o reino e entristece á princesa...

O gnomo Klaus axuda aos dous irmáns que buscan como acabar coa maldición.




A raíña dos vagalumes axuda aos irmáns a saír do labirinto de Teseo.


 O amable cíclope dálles regalos para levaren de volta ao reino.


Miles de mariposas, xoaniñas, vagalumes... A cor volve ao reino!

Xa sei que moi profesional non é (e o das cores nocturas non o levo especialmente ben), pero foi un encargo precioso, unha práctica moi boa e un resulado do que estou máis que orgullosa. Espero que algún día me poña as pilas nestas cousas da técnica e poida facer moito máis.

Apertas!

09/08/13

Un reino de bolboretas (iii)

Non, non me esquezo do conto das bolboretas. Hai que ir pouco a pouco cos contidos, tampouco vos vou a saturar pero, como suporedes, xa está rematado e parece que o autor quedou contento!

Ademais das ilustracións a páxina completa quixen engadir algúns detalles: os separadores son pequenas bolboretas (nada incrible, hai pinceis de Photoshop que as fan) e na primeira páxina hai un paxariño:


Parece que son adicta aos pinceis con efecto acuarela. Non é verdade :)

E aquí tedes a portada rematada:



O texto está feito á man con tinta en papel de acuarela (a posteriori houbo que corrixir unha ponte de máis no 'm'... cousas da escritura estraña dunha), só con iso escaenado, diferentes pinceis e cores e un efecto xogando cos brancos e as sombras, este é o resultado.

Só quedan o resto de ilustracións interiores. Outro día máis!


07/08/13

50 números de Dot:

Foto de Janite @ La Juakina con Sergio Lagartija

Coma sempre, avísovos de que xa está na rúa a nova Dot:. Van xa 50 números e (cof, cof) neste saio eu e todo! Xa sabedes que estará en papel en moitos locais de Galicia pero, se non a vedes, sempre a podedes ler en Issuu aquí.

Non sei se vos dixen que (cof, cof) saio eu, nunha entrevista/afable discusión con Sergio. As entrevistas con cañas e amigos son distintas (grazas, Sergio!). Podedes lela aló pola páxina 24 e, xusto despois, ler o texto do Lagartija coa miña ilustracionciña enriba, esta mesma que vos poño aquí embaixo:





02/08/13

Xullo en fotos

Agosto! Gústame agosto. Gústame, sobre todo, polo motivo egoísta de que comeza co meu cumple. E xa sabedes que me encanta o meu cumple. Este ano tiña pensado collelo libre, pero sempre hai cousiñas, como unha pésima organización das vacacións do 2013 e as necesarias pseudo-vacacións de traballar noutras cousas de rendibilidade a longo prazo. Pero aínda está por ver que trae agosto (aparte do de hoxe!), e non dubido de que será bo. Por agora, aquí está un chisco de xullo, en fotos.


01/08/13

Benvido, agosto

Coooomo que 32 anos!?

Está voando o tempo e hoxe xa é o meu cumpleanos!

Mañá hai outros cumpleanos e eu estarei en Coruña, na Feira do Libro, presentando o meu libro, Bágoa de Lúa, ás 20:00.

Podiades vir, a verdá... E celebramos xuntos a entrada de agosto e todos os cumpleanos.
E se non podedes, botádelle un ollo a isto, porque imos emitilo ao vivo e responderemos a preguntas enviadas co hashtag de Twitter #landereina. Pode estar ben, animádevos!

ETIQUETAS