16/02/10

Os meus domingos

Decidimos non celebrar San Valentín.
Non temos nada en contra do día.
Tampouco nada a favor.

A min gústame pensar que te quero igual todos os días.
A ti gústache que os domingos sexan domingos.


Querería dicirlle á xente que os domingos levo unha vida bohemia,
que disfruto dos praceres máis sinxelos da vida dos que sempre falan os intelectuais.

Querería dicirlles que leo os periódicos tomando o café,
que poño a radio mentres me ducho
e logo saio pasear na calma dominical.

Se me chegaran as ondas do mar pola radio
poida que a puxese,
pero o certo é que vexo a tele.
Vexo debuxos animados
con sumo interés
e tomo torradas con aceite co café
con non menos interés.

Logo, mentres non te ergues,
xogo a videoxogos,
escribo,
fago garabatos,
penso qué comeremos
e, entrementres,
vou a cada chisco ao cuarto darche un chucho.

Despois xogarás comigo,
riremos,
arrolarémonos no sofá
e iremos tomar as cañas de domingo,
cos seus dardos e, ao volver á casa,
cos seus bocatas.

Por iso decidimos non celebrar San Valentín.
Non temos nada en contra do día,
tampouco nada a favor.

Pero os domingos son domingos,
e eu quérote igual todos os días.

7 comentarios:

  1. Este comentario foi eliminado polo autor.

    ResponderEliminar
  2. mmmmm... qué apetito... XD

    ResponderEliminar
  3. Me E-N-C-A-N-T-A.
    Simple y llanamente ;)

    ResponderEliminar
  4. Domingo Astromántico?

    http://www.youtube.com/watch?v=uyP1jRemcMM

    ResponderEliminar
  5. Maquíssim ! (fermosísimo?)vivan os domingos

    ResponderEliminar

Dime que pensas...

ETIQUETAS