Fotos

Foto: Sabela - Vigo, febreiro de 2011

contigo decateime de que eu non era dixital

na era dixital

e só ti podías darme corda

sen ti, velaríanseme os carretes a escuras,

sobreexpoñeríanseme os ollos á noite

pero estas aí,

e as fotos saen máis bonitas ca nunca

mesmo en rúas difíciles

mesmo en días pintados

reveladas en papel mate de apertas

as que nos demos,
as miles que nos quedan por dar.